miércoles, 17 de octubre de 2012

Os Mozos

Qué triste está a aldea,
que triste e qué sola!
A terra sin frutos, a feira sin xente,
sin brazos ó campo,
sin nenos a escola,
sin sol o hourizonte, sin fror a semente!

A pedra y as nubes
a sembra arrasando, 
agoiran un ano de fame sombría;
sin pan os labregos, 
nin herba pra ó gando,
qué vai a ser d´eles n´a crúa invernia?

Manadas famentas
de lobos montesos
baixaron d´as chouzas na noite calada 
e postos en ringla,
c´os ollos acesos
acenan d´os pobres pr´a porta pechada...

Mociños honrados
de sangue bravía,
si o mal d´os petrucios non fordes alleos,
librádeos d´a morte,
facei montería
n-os lobos da terra, n-os lobos d´os ceos!

Curros  Enríquez ,  Aires d´a miña terra, 1880

viernes, 12 de octubre de 2012

Las horas distantes

Una vez mi madre me habló-tragué con humildad-de antiguos muros que cantan las horas distantes.
.....
Fue mi padre quién lo escribió. Seguramente su madre leyó sus poemas.
Mi madre nunca había sido una gran lectora, y menos aún de poesía.
-Cuando eramos pequeñas, solía contarnos historias, relatos del pasado. Decía que cuando andaba distraído por el castillo, a veces las horas pasadas olvidaban ocultarse...................."Piensa en todas las personas que han vivido entre estos muros, que han susurrado sus secretos, consumado sus traiciones...", solía decir.
-¿También usted oye las horas distantes?


jueves, 11 de octubre de 2012

O burro

O burro non bulía nin chisco; tiña os ollos abertos, enfiados no chan, e polas trazas o burro cavilaba de firme, asolagado nas súas cavilacións. Eu enfiéi os meus ollos no burro e tamén me puxen a cavilar, esquecido de mín mesmo; ensumíndome nos adentros da besta, e sen facerme cargo, os meus pensamentos eran os do burro.

O homes non queren ser burros; quixeran en troques seren leóns, tigres, lobos..., xustamente porque os homes son maís burros que leóns, que tigres, que lobos...por iso a verba "burro" é un alcume aldraxante para eles.
O meu lombo rexe con calquera home e secomasí os homes prefiren un cabalo, un elefante...calquera besta máis grande que eles, de modo que ningúen poida decir: "velahí van dous". Non nos aprecian, porque ollan en nós as virtudes dos homes de ben.
Somos amigos dos probes, amparo dos mendicantes; temos levado no lombo a Noso Señor e San Francisco de Asís; pero non levamos ningún guerreiro.
A paz virá cando os homes todos queiran ser burros.
Chegaron a negarnos caletre porque andabamos pola veira dos camiños. Parvos! Un burro pode morrer asesinado por un auto; pero un burro non cai debaixo dun auto, como caen os cans e as galiñas...Nós presentíamola chegada dos autos denantes de inventalos o demo do inferno.

Niste punto volvín en mín.

Castelao. Cousas

sábado, 6 de octubre de 2012